Ugrás a tartalomhoz Lépj a menübe
 


LITURGIKUS LATIN NYELV 3/5. (HALADÓ)

2009.09.18

TEMATIKA 
I. Euchológia 
1. Prex 
a) Mundi conditor (Hartvik-agenda) 
II. Himnológia 
1. Humnusz 
a) Conditor alme (Psalterium Blasii)

Szorgalmi feladat a leghaladóbbaknak:

Vere dignum et iustum est, æquum et salutáre. Quia per se­re­nís­si­mam ac placidíssimam[1] stellam, Genitrícem tuam, cuius sa­cra­tís­simum nomen per ineffábile méritum stella maris interpretátur, hu­mánum genus illumináre dignátus es. Pro[2] hoc máxime gáudio ho­diérna die ovántes, et ídeo in nostris mánibus venerabíliter cán­de­las feréntes, et incessábili voce clamántes quǽsumus,[3] ut pro dul­cís­si­mo amóre et clementíssima intercessióne[4] tuæ dignæ Genitrícis sem­pérque[5] Vírginis nos indígnos, sed tamen pretiosíssimo[6] sán­gui­ne tuo redémptos, te, ætérno ac[7] lúmine vero[8] fácias cleménter pér­frui. Per

Vere dignum et iustum est, æquum et salutáre nos tibi semper et ubí­que grátias ágere, Dómine sancte, Pater omnípotens, ætérne De­us, adésto précibus nostris, adésto sacraméntis, adésto étiam piis fa­mulórum tuórum labóribus, nobísque misericórdiam tuam po­scén­ti­bus! Descéndat quoque in hanc ecclésiam tuam, quam sub in­vo­ca­ti­ó­ne sancti nóminis tui, in honórem sanctæ crucis, in qua coætérnus ti­bi Fílius tuus, Dóminus noster Iesus Christus pro redemptióne mun­di pati dignátus est, et memóriam sancti tui N. nos indígni con­se­crámus, Spíritus Sanctus tuus, septifórmis grátiæ ubertáte red­ún­dans, ut quotiescúmque in hac domo tua sanctum nomen tuum fú­e­rit invocátum, eórum, qui te invocáverint, a te pio Dómino preces ex­au­diántur. O, beáta et sancta Trínitas, quæ ómnia puríficas, ómnia mun­das, et ómnia perórnas! O, beáta maiéstas Dei, quæ cuncta im­ples, cuncta cóntines, cuncta dispónis! O, beáta et sancta manus Dei, quæ ómnia sanctíficas, ómnia benedícis, ómnia locúpletas! O, sancte san­ctórum Deus, tuam cleméntiam humíllima devotióne depó­sci­mus, ut hanc Ecclésiam tuam per nostræ humilitátis famulátum in ho­nó­rem sanctæ et victoriosíssimæ crucis, et memóriam sancti tui N. puri+ficáre, bene+dícere, et conse+cráre, perpétua san­cti­fi­ca­ti­ó­nis tuæ ubertáte dignéris. Hic quoque sacerdótes sacrifícia tibi laudis óf­ferant! Hic fidéles pópuli vota persólvant! Hic peccatórum ónera sol­vántur, fidelésque lapsi reparéntur! In hac ergo, quǽsumus, Dó­mi­ne, domo tua Spíritus Sancti grátia ægróti sanéntur, infírmi re­cu­pe­rén­tur, claudi curéntur, leprósi mundéntur, cæci illuminéntur, dæ­mó­nia eiiciántur. Cunctórum hic debílium incómmoda, te, Dómine, an­nuénte, pellántur, omniúmque víncula peccatórum absolvántur, ut omnes, qui hoc templum benefícia iuste deprecatúri ingrediúntur, cun­cta se impetrásse læténtur, ut concéssa misericórdia, quam pre­cán­tur, perpétuo miseratiónis tuæ múnere gloriéntur. Per eúndem Dó­minum nostrum, Iesum Christum, qui tecum vivit et regnat in uni­táte Spíritus Sancti, Deus, per ómnia sǽcula sæculórum. Amen.

[1] G omittit ac placidissimam
[2] G: per
[3] H omittit.
[4] G: intercessio
[5] H: Genitricis dignæ semper
[6] H: pretioso
[7] G: hac
[8] G: vero lumine
 

Hozzászólások

Hozzászólás megtekintése

Hozzászólások megtekintése

Nincs új bejegyzés.